Lust of a Lifetime (Lust Trilogy Book 1)

Chapter One

"GOING once, going twice? Congratulations, Mr. Teagan James Cordova. You just won an evening with our birthday girl, Ms. Lauryn Joyce dela Costa."

Inawat ni LJ ang mapaismid nang tumayo si TJ at lapitan siya sa stage. Iyon ang huling bahagi ng kanyang birthday celebration slash fundraising event para sa charity organization na kanyang sinusuportahan. Nang abutin ng lalaki ang kanyang kamay ay kamuntik na niyang hatakin iyon pabalik. Mabuti na lamang at mabilis niyang naawat ang sarili. But the lout, he kissed the back of her hand for a good thirty seconds that she almost lost her temper and slapped his face. The nerve!

"It's been a while, mon minou," he flashed his most charming smile that used to make her stomach felt fluttery.

"I am not your kitty, so stop calling me that," pigil ang pag-alsa ng tinig na sikmat niya rito.

"You are my kitty 'cause you always purr like one, mon minou."

Nag-init ang buong mukha ni LJ. Anhin na lang ay kalmutin niya ang mukha ni TJ para mawala ang nakakainis na ngiti sa mga labi nito. Pero naisip niyang sa halip na magpaapekto sa mga sinasabi nito ay iibahin na lang niya ang istratehiya.

"You probably missed this kitty purring, you even paid one million pesos just to have a romantic dinner with her."

"You bet, I do," naging maaligasgas ang dating ng boses nito.

Pasimpleng napalunok si LJ. Buwisit na lalaki. Mukhang ginagamit ang lahat para akitin siya. And it's been what? Six years mula nang mahuli niya itong kalambutsingan ang best friend niyang si Caroline.

Ito ang una't huli niyang seryosong nobyo. Pagkatapos nito ay naging temporary na lamang ang mga sumunod. Nasira ang paniniwala niya sa isang commitment. Pati sa pakikipagkaibigan ay naging mapili na rin siya.

"Do we hear the song 'Together Again'?" may panunuksong wika ng auctioneer slash host ng pagtitipong iyon, si Benj. Common friend nila ito at alam nito ang history sa pagitan nila ni TJ.

Umugong ang panunukso mula sa mga guests. Nagpatay-malisya na lamang si LJ at hindi pinatulan ang mga biro. Kahit pa nga si TJ ay mukhang bigay na bigay sa tudyuhan.

Hinayaan niya itong igiya siya pababa ng stage patungo sa mesang kinauupuan niya kanina bago siya pinaakyat ng auctioneer sa entablado sa pagsisimula ng bidding. Ibinigay ni TJ ang tseke na nagkakahalagang isang milyong piso.

"Thank you for your very generous donation, Mr. Cordova," may pekeng ngiting wika ng dalaga at iniabot sa accountant na humahawak ng proceeds ang tseke.

"I don't mind spending all my wealth if I could spend another day with you, mon minou."

"Aw, I'm afraid you have to wait another year for that to happen, Mr. Cordova. You see, this is a once a year charity event only. Maliban na lang kung wala kaming maisip na ibang idea to raise more funds next year, may pagkakataon ka uling mag-bid para makipag-date sa akin."

"Very disappointing. But do you really have to be so formal in addressing me, mon minou? Para naman tayong walang pinagsamahan niyan. And need I remind you, we're going on a date. Don't tell me habang magkasama tayo ay tatawagin mo akong 'Mr. Cordova'? Baka naman mapagkamalan akong professor n'yan."

"Ayaw mo no'n? Kagalang-galang."

"I can't pretend someone I am not."

"Right, because you are an inveterate rake."

Kumiling ang ulo nito kasabay ang pagsilay ng isang mapanuksong ngiti.

"See you tomorrow night, Teagan James," bago pa siya madala sa pagpapaulan nito ng charm ay inilahad niya ang kamay. "Seven o'clock, sharp. Versailles Hotel, my secretary already made a reservation there."

"Wait. I won the bid, hindi ba puwedeng ako ang mag-decide kung saan tayo magde-date?"

"The arrangement was already made. Sayang naman kung ikakansela. Besides, the place is nice. I've been there a couple of times."

"With who?"

Natigilan siya sa tanong nito. Was he asking out of curiosity or he simply wants to pry on her personal life?

LJ shook her head. Anuman ang rason nito ay wala siyang pakialam. Wala siyang obligasyong sumagot.

"I'll see you there, Teagan James," pagtatapos niya at tinalikuran na niya ito.

There's nothing to be excited about the whole thing. Ngunit natagpuan ni LJ ang sarili na maingat na nag-aayos para sa dinner date nila ni TJ kinagabihan ng sumunod na araw. Ikakansela na nga sana niya ang lakad na iyon dahil nasa ospital ang kanyang Uncle Ipe ang ama ng pinsang si Rafael. Ngunit sinabihan siya ni Anja--ang asawa ng kanyang pinsan na ayos lang ang mga ito. Na mas gusto ng mag-inang Rafael at Camilla na wala munang masyadong bisita ang pasyente.

She didn't want to appear too shabby or too chic for her date, so she opted for a V-neck mini lace dress in nude color. Muli niyang pinaraanan ng tingin ang ayos sa harapan ng full-length mirror bago siya nakuntento sa kanyang ayos. Dinampot niya ang kanyang Chanel clutch bag sa ibabaw ng dresser atsaka lumabas ng silid.

At the age of thirty ay saka pa lamang siya pinahintulutan ng kanyang mga magulang na bumukod ng tirahan. She now lives in her three-bedroom townhouse in an exclusive village in Makati. Bunso siya sa dalawang magkapatid. Ang panganay niyang kapatid na lalaki ay namatay sa isang aksidente sa Anchorage. Iyon din ang naging dahilan kung bakit hindi siya kaagad pinayagan ng mga magulang niya na bumukod. Nag-iisa na lamang daw siyang anak ng mga ito, lalayo pa siya. Kaysa makipagtalo ay pinagbigyan na lamang niya ang mga magulang. Lalo pa't magmula nang mamatay ang kanyang Kuya Paul John ay naging maramdamin na ang kanyang ina. Nagkaroon din ito ng mild heart attack kaya ingat na ingat na sila ng Papa niya na dulutan ito ng sama ng loob.

Inilabas ni LJ ang kanyang key fob. Pasakay na sana siya sa kanyang kotse nang may tumigil na sasakyan sa harapan ng kanyang unit. Napilitan siyang silipin ang dumating.

"Hi!"

"T-TJ?" Nagulat siya nang umibis mula sa loob ng metallic gray Audi si Teagan James. "What are you doing here?"

"I'm picking you up for our date."

"That's not necessary. May sasakyan naman ako at ka--"

"You look so alluring."

Hindi kaagad nakasagot si LJ sa ginawa nitong paghagod ng tingin sa kanyang kabuuan. Kung hindi sa kaliwa't kanang babae na nali-link dito ay iisipin niyang attracted pa rin ito sa kanya. Ngunit siya na rin ang pumatay sa sariling ilusyon. TJ always say the opposite of what he really feels.

"T-thank you. You don't look so bad yourself."

Natawa ito sa sinabi niya.

"Shall we?" He motioned to his car.

Para lamang hindi na humaba pa ang usapang iyon ay pumayag na siya. Besides, kapag nasuya siya rito ay madali na lamang siyang makapag-wo walk out at tumawag ng taxi.

"So, how have you been?" habang tumatakbo ang sasakyan ay tanong nito.

"Great. I'm having a blast with my life."

"So I heard. Having boyfriends here and there. Who was that guy again?"

She chuckled. Three years ago ay aksidente sila nitong nagkita sa isang five-star hotel sa France, of all places. She was on a date with her then-boyfriend Guy Roux. They attended a fashion show and she was a little tipsy so they decided to check in into the nearest hotel. Sa lahat ng taong makikita niya ng gabing iyon ay nakasabay nila sa elevator si TJ kasama ang current flame nito na isa namang modelo. He has a thing for models. Siguro ay dahil karamihan sa mga iyon ay nagiging muse nito.

At mukhang nagulat ito nang makita siya. He even tried to approach her but she pretended not to know him. After all, kahit three years na ang nakalipas noon ay medyo sariwa pa rin sa kanya ang ginawa nitong kataksilan.

"Really? Must we talk about exes now?"

"I'm up for it. Ask me anything you want."

"No, thank you. I'm not interested to hear your sexcapades."

"But I'm interested to hear yours."

A humorless laugh came out of her mouth. "Well, my sex life is not open for discussion with anyone. Least of all, to you."

"Do I still affect you in some way, perhaps?"

"Dream on, Teagan James, dream on."

Ang lutong ng halakhak nito. Napailing na lang siya. Minsan talaga ay may kakapalan din ang mukha nito, masyadong assuming.

Alas siete impunto ay narating nila ang Versailles Hotel. She was expecting a boring night with Teagan. Nakaligtaan na niya kung gaano kaharot itong kausap. Kumpara sa ibang pintor na nakilala niya, he's very sociable and fun to be with. Teagan James is a complete package. Tall and handsome, sinfully gorgeous, sharp-witted with good communication skills, and very, very intelligent. Ito ang tipo ng taong kahit kanino mo iharap ay kayang makipag-usap.

They dined, danced, and had wine. Hindi na na-monitor ni LJ ang dami ng iniinom niya dahil masyado siyang nakampamte sa kasama. The next morning she woke up with a throbbing head. At hindi lang 'yon, tila may mabigat na bagay na nakapulupot sa buong katawan niya.

Bago pa man niya malaman kung ano ang bagay na iyon ay walang seremonyang bumukas ang pinto ng silid niya at biglang iniluwa ang kanyang Lolo Casiano.

"Lauryn Joyce dela Costa, ano ang ibig sabihin nito?!"

"Lolo!"

"Teagan James, kailangan mong panagutan ang apo ko or else, hindi ka makakaalis ng buhay sa pamamahay na ito! Lauryn Joyce, magbihis ka ngayundin! Sumunod kayong dalawa sa ibaba!"

Napaawang ang mga labi ni LJ nang makita ang kanyang mga magulang sa likuran ng abuelo. At parang gusto niyang lumubog sa kinahihigaan nang mapansin kung saan nakatingin ang mga ito--sa mga nagkalat nilang hinubad ni TJ sa sahig!

"Mama...?" sinalakay ng takot ang dibdib ni LJ nang mapasapo ang ina sa dibdib nito.

"Magbihis na kayong dalawa at sumunod sa ibaba," kalmadong saad ng ama ni LJ na kaagad inalalayan ang asawa paalis sa harapan ng bukas na silid.

Magkasunurang umalis ang tatlo. Ngunit bago tumalikod ang kanyang Lolo Casiano ay isang nagbababalang tingin ang ipinukol nito kay TJ.

Tulirong napahilamos si LJ sa kanyang mukha. Ano ba ang nangyari? Bakit naman timing na timing yata ang pagdating ng Lolo niya at mga magulang? If it was just a surprise visit ay ang galing naman ng tiyempo ng mga ito.

"Teagan, puwede bang hayaan mo muna akong makausap ang pamilya ko? I will explain to them that..." her voice slowly trailed off when bits and pieces of what happened the previous night came flashing inside her head. At kung pagbabasehan ang pananakit ng ilang parte ng katawan niya sa mga intimate area, umaakma iyon sa malalabong eksena na nagsasalimbayan sa loob ng utak niya!

"Stop thinking too much, LJ," kalmadong saad ni Teagan. Bumangon na ito at tila walang anumang nagbihis sa kanyang harapan habang siya ay natutulala pa rin sa kabilisan ng mga pangyayari.

Pumasok ng banyo si TJ at paglabas ay nakapaghilamos na ito at nakapagsuklay. At bagaman medyo gusot pa rin ang suot na damit, disente na itong tingnan para humarap sa kanyang Lolo at mga magulang.

"Magbihis ka na, okay? Hihintayin na lang kita sa ibaba."

Nasa may pinto na ito nang mapabulalas siya.

"How are you handling this so casually?"

"At paano ba dapat?"

"Hindi ka ba nagagalit? Posibleng maputol nang wala sa panahon ang pagkabinata mo."

"I'm turning thirty-two next month. Hindi siguro masama kung mag-aasawa na rin ako."

Napaawang na lang ulit ang bibig niya.

"Get dressed. Wear something that can cover your neck."

Nang maintindihan niya ang ibig nitong sabihin ay bigla siyang napahawak sa kanyang leeg. Mabilis siyang bumangon at pumasok sa banyo. Napasinghap siya nang makita ang ilang marka sa kanyang leeg at dibdib.

Oh, fuck. Nag-init ang kanyang mukha sa isiping baka nakita rin ng mga magulang niya iyon. At kaya ganoon na lamang siguro ang galit ng kanyang Lolo para pagbantaan si TJ!

Parang lutang ang pakiramdam na nagbihis na si LJ. Nang makababa siya ng bahay ay gulat na gulat siya nang matuklasang hindi lang ang Lolo at parents niya ang naroroon. Even TJ's grandparents were both present!

At mukhang na-pacify na rin ang galit ng abuelo nang okupahin niya ang bakanteng espasyo sa tabi ni TJ.

"Niyaya ko sanang maglaro ng golf si Efraim," tila paliwanag ng kanyang Lolo Casiano sa presensya roon ng Lolo at Lola ni Teagan. "Dumaan muna kami rito para mabati ka nila sa kaarawan mo kahapon dahil hindi sila nakadalo. Hindi naman namin akalaing isang sorpresa ang madaratnan namin dito."

"However, it was a very pleasant surprise," 'ika ni Doña Guada na mukhang masayang-masaya ang ngiti. "Pareho na kayong nasa edad nitong aming apo. Hindi masama kung mauuwi sa kasalan ang inyong relasyon tutal ayon naman kay TJ ay balak na talaga niyang mag-propose sa'yo."

Nagtatakang nilingon ni LJ ang katabi. Ngunit sa halip na salubungin ang tingin niya ay pinisil nito ang kanyang kamay.

"Bumubuwelo pa nga lang ako, Lola. Kayo naman kasi, hindi man lang kayo bumubusina."

"Bueno, naririyan na 'yan," sabi naman ng Lolo ni TJ. "Oo nga't makabago na ang inyong henerasyon. Pero para sa aming mga nagmula sa lumang panahon, ang babae kapag pinakialaman ng lalaki dapat niya itong panagutan at itayo ang karangalan."

"Uhm, excuse me. Hindi po kaya..."

"Lauryn."

Napayuko na lamang si LJ nang sulyapan siya ng ina. Obviously, sang-ayon ito sa desisyon ng grandparents ni Teagan na ipakasal sila. Ngunit paano naman silang dalawa na magsasama sa matrimonyo? Hindi sila puwedeng magpakasal!

Ayoko! iyon ang mariing isinisigaw ng kanyang isipan. Ngunit paano ang kanyang ina? Hindi niya kakayanin kapag may nangyaring masama rito.

"Just go with the flow, mon minou," bulong ni TJ.

Duda man siya sa sinabi nito ay wala na rin siyang ibang mapagpilian kundi ang makinig at sumang-ayon habang pinag-uusapan ang ditalye ng kasal.

"Everything's going to be okay, Mrs. Cordova."

Tila nag-echo sa lahat ng sulok ng isipan ni LJ ang pantukoy na ginamit ni Teagan sa kanya.

Mrs. Cordova...