“HALOS kasing laki na ng apartment namin ni Rency ang kwarto na ‘to ah,” manghang sabi ni Janine nang makapasok silang dalawa ni Vernon sa loob ng kwarto.
“Siyempre, isa yata ito sa pinaka-espesyal na kwarto dito sa mansion,” tugon ni Vernon na yumakap mula sa likuran ng nobya.
“Espesyal? Paano mo naman nalaman?” natatawang tanong ni Janine. Sa dami ng malalaking kwarto sa loob ng mansion siguradong ang ilan sa mga iyon ay espesyal.
